Gobonimo: Gabaygii Xaaji Afqalooc ee 1943

Published: August 7, 2011

Gabaygan waxaa tiriyey Xaaji Aadan Afqalooc waxuuna tiriyey 1943-dii isagoo ka hadlaya qaabka gobinimo loo gaadhi karo iney tahay in dagaal iyo dhiig loo huro mooyee aan ciyaar lagu heleynin xornimo iyo gobonimo. 67 sano kadib waxaa hubaal ah in gabaygani yahay mid maanta taagan.

 

Samaan laguma doonee , xornimo waa sange u fuulle

Salax dakhar leh meyd soobiriyo seeda waran gooyo

Soofkoo lookala qaado iyo siligo kor uduusha

iyo Libintu waxey saarantahay suluf colaadeede

 

Salliga iyo Allaahu Akbartey siri ka buuxdaaye

Saajacu ma hoogee libbuu saaami leeyahaye

Sawaariikhda waxa nooga dhigan Suuratul Ikhlaase

Naftuna Saacad bey leedahoow abidi seegeyne

Siyaadiyo nuqsaan laguma daro suu illaah yidhiye

Kuwo saymihii nabad galaa seexdayoo go aye

Saxarba waa dillaa nimaan waqtiga sed ugu laabnayne

 

Geesiga senaad weyn leh iyo fulaha seereera

Geerida usiman sharafna way kala sareeyaane

Safka ninkii ka Baqa ee warmaha sugi awood waaya

Saldhigiisu aakharana waa sakhara naareede

 

Gobonimo sunbaa kaa xigtoo laysma siin karo’e

Waa Sarac ku baxa dhiig rag oo lagu sadqeeyaaye

Sarkaca kufrigu waa sasabo suu na leeyahaye

 

KismaayoNews


KismaayoNews.com



UGU DAMBEEYEY
Koonfur Afrika “Soomaaliya sharci iyo kala dambeyn ha yeelato, kadib waan maalgashan karnaa”
Dadka Gedo ” iL geeriyaad ayay leeyihiin”
Wasiir : Kismaayo kalluun ku filan ma lahan
Taleefishinka Aljazeera oo baahinaya barnaamij ku saabsan Jubbaland iyo DF
Jubbaland oo xirfado u abuurey dhalinyarada