Layma Maqashiiyo (Gabay)

Published: August 7, 2011


1- Muslinbuu ku soo duulay iyo Madaxdii diinteenna

2-Miinada Maxaad ugu dhigteen leyma maqashiiyo

3- Kirishtaanku meeluu fadhiyo ani makaankeyga

Madaafiic Maxaad ugu rideen leyma maqashiiyo

4- Masiixi baan wataa iyo inaan Kirishtaan meeleeyo
Culimada mindiyeeyaan leyma maqashiiyo

5- Minkeygii majuusbaa mulkiyay labadii meeloodba

Muranbaa meherad moodayaa leyma maqashiiyo

6- Muqdisho malez qabsada oon ka kicin maanta
Muwaafaqana waan diidayaa leyma maqashiiyo

7- Muslin baan rabaa iyo midnimo oon u imid meesha
4.5 baan matali leyma maqashiiyo

8-Media-yaha ayaan tagi intaan ani muraad yeesho

Muslinkii khilaaf baa dhexmaray leyma maqashiiyo


9- Madaxweyne yaan ahay matali Magacii Soomaali

Maskaxdeydii Melez bey jirtaa leyma maqashiiyo

 

10- Mudanayaal ayaan nahay magacii Soomaali
Marastaan Madaafiic kumarin leyma maqashiiyo


11- Maandeeq hasheennii dhashayee mahore soo qaado

Musfin beynu martidiisa nahay leyma maqashiiyo

12- Madaxdiinii baan ahayee imaqal ina adeec Maanta
Masjiduna musqulo yey ahaan leyma maqashiiyo

13-Muqdishiyo bar bara waa xor iyo marsadii Boosaaso

Maraakiib shisheeyaa mulkiday leyma maqashiiyo

14- Maamulbaan ka ahay anaa jooga Madashiiba

Melez baa shixnado hub ah marsaday leyma maqashiiyo


15- Mashruuc baan wataa iyo inaan meherad weyn gaaro

Shacab iyo haw maqane jooge ahaaw leyma maqashiiyo

16- Muslinkoo dhan Muqdishaan karari mudug intaan qaato
Kaniisadana waan kuu mud mudi leyma maqashiiyo

 

17- Malyuumaad muslima yaan qaadani Minankooda
Musxafkii Quraankaan masaxi leyma maqashiiyo

 

 

W/Q:- Dareen Muslin


KismaayoNews.com



UGU DAMBEEYEY
Bill Clinton : Aniga kama warqabin weerarkii Jeneraal Caydiid
Cabdiwali oo Kismaayo ka laabtay isagoo maqsuudsan
Wadamada Carabta oo safaarado ka furanaya Soomaaliya
K/Afrika : Shirkii golaha dacwada Al-bayaan
Dowladda oo ka hanfariirsan aalado casri ah oo dalka kusoo kordhey