Muqaawamadu ha Midowdo (Gabay)

Published: August 7, 2011

HANNAANKII CIRAAQ: Waa tix gabay ah, oo ku wajahan dibin-daabyada lala maagan yahay ummadda Soomaaliyeed ee dalkooda la leeyahay Ciidammo nabadda sugaa la gaynayaa.

Waxaana tiriyey Cabdi Ibraahim Magan (CIRJIIR)

– Lixdankii Xorriyaddaan hellee hebello loo aasay
– Nacabkii horraan laga eryaa hootadii sida e
– Hawadoodu waa inay mar kale hilay na saaraane

– Hoomaaq dalooshiyo god bay Hoos u qodayaane
– Hadba waxay inoo sheegayaan been Hariirya lahe
– Haddaan laga hortagin Soomaalaay Xaalku waa Halise
– Hannaankii Ciraaq baa socdiyo Heerki Falastiine.

– Ha yeeshee Hurdadu way xuntahay Haatanoo kala e
– Inkastooy hamuun badan qabaan Hororka ciideennu
– Ninna Heeryo uma qaadi karo Hayb filkiisa ahe

– Hurgumada dhaxdeenna ah intaan Hooy iska illowno
– Hubka inaynu wada qaadannuu hadalku joogaaye
– Halyay iyo ninkii Geesiyaa loo hanwaynyahaye
– Isu hiisha oo kaca midnimo way habboontahaye

Abwaan: Cabdi Ibraahim Magan (Cirjiir)
cirjiir@hotmail.com


KismaayoNews.com



UGU DAMBEEYEY
Xeerka batroolka oo la ansixiyay
Ajandaha kulanka baarlamaanka ee sabtida waxaa ugu horeeya Qalbi Dhagax
Kiiska Qalbi Dhagax: Shan Arrimood oo aysan dowladdu sharrixin
42 arrimood oo la yaab leh oo uu sameeyey Donald Trump
Dowladda iyo rugta ganacsiga oo qir iyo qir taagan