Kn: Leerarka laga shidey waddooyinka caasimadda qaarkood ayaa waxaa jira amar kasoo baxay maamulka gobolka Banaadir oo sheegaya in gaarigii jiira leerarkaasi, ama ciddii kale ee si kale u waxyeeleysa ay mudanayso ganaax lacageed oo dhan $1000 ( kun doolar).

Waa ganaax aad u badan, waxaana jira ugu yaraan hal wadde oo gaari jiirsiiyey mid ka mid ah tiirarka leerarka suranyihiin, lamase oga ciqaabta uu muteystey.

Ilaa konton leer ayaa dhawaan la surey wadada u dhaxaysa garoonka Aadan Cabdulle Cusmaan illaa madaxtooyada, waxaana la rajaynayaa in qeybaha kale ee magaalada sidoo kale loo sameeyo.

Waxaa mashruucani maalgalisey dowladda Norway, leerarkuna waa kuwa tamarta ka hela cadceedda.

Walwalka ugu weyn ee maamulka gobolka Banaadir ayaa ah wadayaasha caasimadda oo ah oo aanan tixgalinin qawaaniinta waddooyinka, intooda badana aanan aqoonin qawaaniintaasi.

KismaayoNews.com