Kn: Hogaamiyaha ciidamada SSC ee gobolada Waqooyi oo lagu magacaabo Saleeymaan Xagle-Toosiye ayaa dhawaan gaaray magaalada Buuhoodle kadib kulan uu Dubai kula yeeshey madaxweynaha Somaliland Axmed Maxamuud Siilaanyo.

Mar uu shalay la hadlayay boqolaal dad ah oo Buuhoodle kusoo dhaweeyey ayuu rajo ka muujiyey waanwaan dhexmarta iyaga iyo Somaliland, wuxuuna ku baaqay in nabad wax lagu raadiyo.

Balse isaga oo aanan 24 saac nasanin oo aanan “haakaalah” oran ayay dagaalo ka dhexbiloowdeen ciidamada Khaatumo iyo kuwa Somaliland.

Wararka soo baxaya waxa ay sheegayaan in dagaalka ay qaadeen ciidamada Khaatumo, waxaana jira khasaaro labada dhinac ah.

KismaayoNews.com