IGAD oo kismaayo tagtay iyo qalab milatari oo gaaray

Published: November 27, 2012

Kn:Wafuud ka socotay dawlad goboleedka IGAD ayaa maanta gaaray magaalo xeebeedka Kismaayo, waxaana garoonka ku soo dhaweeyay madaxda maamulka ku meel gaarka ah iyo saraakiisha ciidamada AMISON ee gobolka ku sugan.

Shir Albaabadu u xiran yahay ayay wada galeen wafuudda, saxiixayaasha iyo gudiga farsamada ee maamul u samaynta Jubbooyinka iyo Gedo, lamana oga waxa ay ka wada hadleen, waxaase la fahamsanyahay inay ka arinsanayeen sidii loo dardar galin lahaa, loona dhamaystiri lahaa maamulka lagu guda jiro.

Sidoo kale waxaa magaalada soo gaaray diyaarad siday saanad iyo agab ciidan, taasi oo markii ay garoonka ka soo degaysay hawada laga saaray Isgaarsiinta magaalada kadibna markii la dhamaystiray daabulista iyo dajinta isla markaana ay diyaaradda ka kacday garoonka  waxaa dib u soo noqday isgaarsiintii hawada ka maqnayd.

KismaayoNews.com


KismaayoNews.com



UGU DAMBEEYEY
Nocholas Kay “Soomaaliya waan ka baxaynaa”
Nadiif Jaamac oo waayay kursiga barasaabka Gaarisa
Ilmo dabo-qabsaday dayuurad oo la sheegey in uu booqan rabay hooyadiis oo Soomaaliya ku nool
Sedex shirkadood oo sheegey in ay qandaraas ku heystaan teesaraha iyo baasaboorka Soomaaliya
Xildhibaanada oo far-ku-gabbad ah kadib xildhibaan kale oo la diley