Shirkii Jaamacadda Carabta iyo Turkiga oo dhamaaday(+SAWIRO)

Published: December 1, 2012

Kn. Shirkii udhaxeeyay waddamada Jaamicadda Carabta iyo dalka Turkiga ee kasocday magaalada Istanbuul ayaa si wanaagsan kusoo dhamaadey iyadoo ay kasoo baxeen goaamo muhiim ah oo khuseeya xiriirka waddamada jaamicadda Carabta iyo Turkiga, shaqaaqooyinka ka taagan bariga dhexe gaar ahaan dalka Siiriya iyo arinta dalka Falastiin iyo sidii dawladaha Carabta iyo Caalamkuba ay kaalmo wax ku ool ah uga geysan lahaayeen dib udhiska dalka Soomaaliya.

Shirkan ayaa si guud waxaa loogu taageeray dawladda Soomaaliya waxayna madaxdii shirka isugu timid hambalyo udireen shacabka Soomaaliyeed doorashadii ay madaxda doorteen, dadaalka ay ugu jiraan iney dib ugu soo laabtaan caalamka iyo dastuurka ay sameysteen.

Wafti uu hoggaaminayay Wasiirka Warfaafinta iyo Isgaarsiinta Eng Cabdullaahi Ciilmooge Xirsi iyo safiirka safaaradda dalka Turkiga ayaa shirkaas uga qaybgalay dalka Soomaaliya waxaana lagu wadaa in goaamada kasoo baxay ay yihiin kuwa Soomaaliya u roon waloow aan la ogeyn in balanqaadyadaasi ay biya dhigan doonaan iyo inkale.


KismaayoNews.com



UGU DAMBEEYEY
Xamar oo lagu sheegay gawaari qarax lagu rakibay
Farmaajo oo qaabilay ra’iisul wasaare ku xigeenka Turkiga
Axmed Madoobe oo qaabilay danjiraha midowga Yurub
1500 maxbuus oo xabsiga Jigjiga laga sii daayay
Shir looga hadlay amniga Jubbalanad oo Kismaayo lagu qabtay