Kismaayo u duul, Xamar ka duul

Published: December 5, 2012

Kn:Shirkadda diyaaradaha ee geeska Afrika (horn of africa airline) ayaa bilawday duulimaadyo joogta ah oo isku xiraya magaalooyinka Kismaayo iyo Muqdisho.

Duulimaadyada shirkadda ayaa yimid kadib markii ay shirkaddu ka heshay dawladda Soomaaliya iyo ciidamada Amison dhamaanba ogolaanshihii ay u baahneyd.

Shalay ayay diyaaraddii ugu horaysay caasimadda ooga duushay Kismaayo, waxaana la filayaa inay noqdaan duulimaadyo joogta ah. Sidoo kale Shirkaddani waxay duulimaadyo ka bilaabaysaa magaalooyinka Baydhabo iyo Baledweyne.

Waa duulimaadyadii ugu horeeyay ee isku xira magaalooyinka waaweyn ee gobolada Koonfureed, horay waxay shirkaddani ugu khidmayn jirtay duulimaadyo isku xira caasimadda, Puntland, Somaliland iyo dalka dibaddiisa.

Shacabka Kismaayo ku dhaqan iyo bulshada Qurba joogta ee Jubbooyinka ka soo jeeda ayaa soo dhaweeyay talaaban ay shirkadda Afrikada Bari ku hirgalisay duulimaadyada joogtada ah.

KismaayoNews.com

 


KismaayoNews.com



UGU DAMBEEYEY
Shabaab oo la wareegtay magaalo muhiim ah
Wasaaradaha arrimaha Dibbadda Soomaaliya iyo Suudaan oo heshiisa wada gaaray
Wasaaradda gaashaandhigga oo deeq ka heshay dowladda Masar
Qaramada Midoobey oo madaxweyne Axmed u aqoonsatay hogaamiye Soomaaliyeed
Madaxweynaha Jubaland oo eedeeyey beesha caalamka