Puntland oo wareejisay lahaystayaal reer Yemen

Published: December 30, 2012

Kn:Garoowe, xarunta maamul goboleedka Puntland, kulan ka dhacay ayaa la isku waydaarsaday mahadnaq iyo lahaystayaal reer Yemen ah oo laga soo badbaadiyay gacanta burcad baddeedka.

Munaasabadda lagu wareejinaayay lahaystayaasha waxaa goob joog ahaa, madaxweynaha Puntland, Dr. Cabdiraxmaan Maxamed Faroole, wasiiro, saraakiil ciidan, culimo-awdiin, cuqaal iyo bulshada rayadka, waxaana dhanka kale fadhiyay wafuur uu hogaaminaayay safiirka Yemen u fadhiya Soomaaliya, Axmed Cumar iyo sideed lahaystayaal reer Yemen ah.

Safiirka Yemen ayaa shacabka iyo maamulka Puntland uga mahadceliyay soo daynta iyo dhaqaalaynta lahaystayaasha reer Yemen oo inka badan laba sano iyo bar ku jiray gacanta burcad badeedda.

Gabogabadii munaasabadda kadib, ayay garoonka Boosaaso ka duuleen sideeddii lahaysta iyo masuuliyiinta reer Yemen.

Sadex iyo labaatankii bishan ayay ahayd markii ciidamada Badda ee Puntland ay kala soo bexeen gacanta Burcad badeedda markab iyo 22 shaqaale oo kala dhalashooyin ahaa.

KismaayoNews.com


KismaayoNews.com



UGU DAMBEEYEY
Qaxootiga Kenya laga celinayo iyo casharada laga baran karo gumaadkii Ban Balaayo ee Hiiraan
Puntland oo codsanaysa in la baaro xildhibaano Xamar lagu laayay
Wasiir gurigiisa la qarxiyey Kismaayo
Xulista ardayda deeqaha waxbarasho oo loo saaray gudi madax banaan
KismaayoNews waxay idinka raaligalineysaa muuqaalkii Saado Cali