Madaxweyne Xasan oo la kulmay dhiggiisa Al-bashir

Published: January 2, 2013

Kn:Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdigii uu hogaaminayay oo booqasho ku jooga Sudaan ayaa maanta waxeey la kulmeen Madaxweynaha Sudaan Mudane Cumar Xassan Al-Bashiir iyo golahiisa Wasiiradda.

Safarkaan uu Madaxweynaha ku joogo Sudaan ayaa qeyb ka ah safaro Madaxweynaha uu ku marayay dalalka Geeska Afrika dhamaadkii sanadkii lasoo dhaafay. Safaradaan ayaa waxaa lagu xoojinayaa xiriirka Soomaaliya iyo dalalka ku yaala Geeska Afrika.

Madaxweyne Xassan Sh. Maxamuud ayaa u mahad celiyay Madaxweynaha iyo shacabka reer Sudaan sida wanaagsan ay usoo dhaweeyeen wafdiga Soomaliya. Sidoo kalena ku aamanay horumarka ay Sudaan gaartay oo ay ka mid tahay biyo xireenka Damazin ee ku yaala gobolka Blue Nile.

Ugu danbeyntii ayaa labada Madaxweyne waxey la hadleen saxaafadda kuna war-geliyeen in ay ka go’an tahay xoojinta labada dal.

Dhanka kale Wafdigan uu Madaxweynaha hogaamniyo ayaa maanta la kulmay arday Soomaaliyeed oo jaamacado ka dhigta Sudaan. Wuxuuna u sheegay in ay ka faa’ideystaan fursadda ay heystaan kuna wargeliyay Soomaaliya in ay ayaga ay sugeyso loogana fadhiyo in ay dalka dib ugu soo noqdaan.Madaxweynaha ayaa uga digay ardayda in aysan tahriibin oo ay badda ku dhamaan ama dhulka lama dagaanka ah, kuna cel- celiyay in dalkooda wax u dhaamo aysan jirin.

Ugu danbeyntii ayuu ku wargeliyay in ardayda ilaaliso sharciyadda dalka Sudan iyaga oo dhowrayo sharaftooda iyo dhamaan tan ummadda Soomaaliyeed.

Communication Office

Office of the Somali President

Mogadishu, Somalia


KismaayoNews.com



UGU DAMBEEYEY
Cabdinaasir Seeraar “Cid Walba Oo Muhiim u Ah Soo Xulista Xildhibaanada Baarlamaanka Jubba Wey Nala Joogtaa”
Sahay Rashiin oo 40 dameer ku raran oo u socotey magaalada go’doonsan ee Buulo Burde oo la badbaadiyey
Puntland oo cafis u fidisey 14 qof oo loo heystey ka qeybgalka shirka Cadaado
Juuq La’aan : Dekeda Kismaayo, Fiyooraha loo daawasho tago
Madoobe Nuunoow oo loo magacaabay wasiir Koonfur Galbeed