Frelimo iyo Renamo oo rabshadahoodii dib oga biloowdeen Muzambique

Published: December 29, 2016

Kn: Dalka Mozambique ee dhaca Koonfurta Afrika waxaa kasoo cusboonaadey rabshado u dhaxeeya jabhaddii talada dalkaasi qabsatay ee Frelimo iyo tii dagaalka sokeeye looga adkaaday ee Renamo 30 sano ka hor.

frelimo-iyo-renamo

Dalkani oo xaalad degenaanshiyo iyo horukac heley sanooyinkii badnaa ee lasoo dhaafay tan iyo intii laga heshiiyey dagaalkii sokeeye ayaa hadda waxaa lagu soo waramayaa in qalalaase uu dib oga qarxay, kadib markii Frelimo lagu eedeeyey in ay fulin weysey heshiiskii, islamarkaasina ku tumatay xuquuqda dadka ay matalayso jabhadda Renamo.

Kumanaan qof ayaa rabshadahani ka barokacay, waxayna u talaabeen dalalka Malawi iyo Zimbabwe ee dariska.

Wararka waxa ay sheegayaan in Renamo ay miyiga ku jabhadayneysaa dhulka miyiga ah halkaasi oo ay waddooyinka waaweyn ka geysanayso weeraro ay ku qaadayaan kolonyada baabuurta ciidamada Muzambique.

Dhanka ciidamada dawladda ayaa iyagana lagu eedeynayaa in ay shacabka dhibaateynayaan iyaga oo ku eedeynaya in ay ka tirsanyihiin Renamo.

Dagaalada sokeeye ee gudaha Afrika ayaa iska soo yaraanayay 20kii sano ee ugu dambeeyey, balse meelaha qaarkood ayay kolba kasoo cusboonaadaan.

KismaayoNews.com


KismaayoNews.com



UGU DAMBEEYEY
Bandhigga Buugaagta Kismaayo oo bari furmaya
Farmaajo oo qaabiley Axmed Maxamed Islaam
Bangiga Dhexe ee Soomaaliya oo ay maalgashanayaan bangiyo Kenya ku yaala
Musharixiintii isbedel doonka oo ku kulmay hotel Hayaat ee Muqdisho
Xuquuqaha dastuuriga ah ee Xasan Sheekh iyo Cumar