Siyaasiyiintii xildhibaanada federaalka waayay oo mooshin ku abaabuley Guuleed

Published: January 8, 2017

Kn: Waxay u egtahay in doorashadii dhamaatay ee labada aqal ee baarlamaanka federaalka in ay soo muuqanayso saameyntii xumeyd ee ay ku reebtey maamulada qaarkood, warar soo baxaya waxa ay sheegayaan in siyaasiyiin miisaan leh oo waayay kuraastoodii baarlamaanka ay haatan abaabuleen mooshin ka dhan madaxweynaha Galmudug Cabdikariin Xuseen Guuleed.
Cabdikarin Guuleed
Mudanayaasha baarlamaanka dowlad gobolleedka Galmudug oo maanta kulan ku yeeshay magaalada Cadaado ayaa soo gudbiyay mooshin kalsoonida lagala noqonayo Madaxweyne Cabdikariin Xuseen Guuleed.

Xildhibaanada ayaa maanta kulan ku yeeshay hool ku yaala magaalada Cadaado , waxaana shir gudoominayay Gudoomiye Ku-xigeenka koowaad ee baarlamaanka Galmudug Xareed Cali Xareed.
Intii uu kulanka socday ayaa in ka badan 46 Xildhibaan waxa ay gudbiyeen Mooshin ka dhan ah Madaxweynaha Maamulka Galmudug Cabdikariin Xuseen Guuleed ay ku eedeeyeen in uu gudan waayay waajibaadka shaqo ee loo igmaday.

Mudanayaasha mooshinkan soo gubiyay ayaa ku eedeynaya madaxweynaha in uu ku fashilmay hogaaminta maamulka, waxaa ayna sheegeen in waajibaadka maamulka uu kaga mashquulay sidda ay hadalka u dhigeen arrimo kale oo maamulka waxba ka quseyn.
Baarlamaanka Galmudug ayaa horey waxaa u hor yaalay mooshin kale oo laga gudbiyay gudoomiyaha Baralamanaka Galmudug Cali Gacal Casir.
Warqad qoraal ah oo shalay ka soo baxay xafiiska Madaxweynaha Galmudug ayaa ku amray in la joojiyo kulamada Baarlamaanka iyo shaqooyinka kale ee maamulka , waxa uuna taageeray fasaxa dheeradka ah uu gudoomiyaha baarlamaanka galiyay xildhibaanada Galmudug.

Ugu danbeyntii, arintan ayaa u muuqata mid salka ku heysa khilaafka ba’an ee soo kala dhax-galay guddoonka sare ee baarlamaanka maamulka oo isku haya hogaanka howlaha baarlamaanka.

KismaayoNews.com


KismaayoNews.com



UGU DAMBEEYEY
Zakariye Xaaji Maxamuud “Farmaajo waan ku qaldanay”
Mucaaradka Kenya oo gacmaha isqabsaday
Hubka culus ee Jubaland ee cusub
Jaalle Yuusuf-Jaalle oo loo magacaabay xil hawada sare ah
Farmaajo iyo Erdogan oo 11 heshiis saxiixanaya