Ra’iisal wasaare Kheyre oo khudbad ka jeediyay shirka Doha Forum

Published: May 14, 2017

Kn: Ra’iisul wasaaraha xukuumadda federaalka ah ee Soomaaliya Xassan Cali Kheyre oo dalka Qatar uga qeyb gallay shirweynaha caalamiga ah ee looga hadlayo iskaashiga dhinacyada xasilinta dhaqaallaha iyo siyaasadda ayaa ka jeediyay khudbad uu kaga hadlayo xaaladda guud dalka, gaar ahaan daruufaha jira, horumarka dalka iyo sida ay lagama maarmaan u tahay in caalamka uu u soo jeesto sidii ay gacan uga geysan lahaayeen horumarinta amniga, dhaqaalaha iyo arrimaha Qaxootiga.

Raisul wasaaraha -1

“Adduunka intiisa badan waxaa heysto daruufo badan, balse Soomaaliya si gaar ah waxaan ka codsaneynaa adduunka inaysan indhahooda ka qaadin Soomaaliya, taasi oo daruufo badan soo daashaday oo ay hadda tahay fursad dhab ah oo garab lagu siin karo, anaga kan dowlad ahaan waxaa naga go’an inaan sameyno isbadal dhab ah, oo aan wadanka uga saarno daruufaha heysato” ayuu yiri ra’iisul wasaaraha.

Ra’iisul wasaaraha oo inta badan khudbadiisa diiradda ku saaray arrimaha Qaxootiga Soomaaliyeed ee ku nool caalamka ayaa sheegay in caalamka looga fadhiyo inay ilgaar ah ku fiiriyaan daruufaha heysato qaxootiga Soomaaliyeed oo ah kuwa badan caalamka

“Qaxootiga Soomaalida waxaa heysato daruufo adag oo ay qabaan intooda badan, waxaana lagama maar maan ah in caalamku ay ilgaar ah ku eegaan, dowladda cusub ee hadda jirta waxaa ka go’an inay soo dhaweyso qaxootiga Soomaaliyeed ee dib ugu soo laabanyaa dalkooda Hooyo iyo ka daryeelka dadka ku soo barakacay gudaha dalka ee ay saameeyeen abaaraha, si aan taasi uga mira dhalino waxaan caalamka uga baahanay inay gacan nagu siiyaan” ayuu yiri ra’iisul wasaare Xassan Cali Kheyre.

Dhinaca kale ra’iisul wasaaraha dalka waxaa uu kulan la qaatay dhigiisa dalka Lubnaan Sacad Rafiiq Al-xariiri oo ay ka wada hadleen xoojinta xiriirka labada dhinac iyo iskaashi dhex mara labada dowladood.

Raisul wasaaraha -1 Raisul wasaaraha -4 Raisul wasaaraha -5 Raisul wasaaraha -2 Raisul wasaaraha -3 Raisul wasaaraha -6KismaayoNews.com


KismaayoNews.com



UGU DAMBEEYEY
DF oo gashay qalalaase dastuuri ah
Agaasimihii wasaarada isgaarsiinta oo xilka laga qaaday
Shillin Soomaaliga oo laga diidey Gaalkacayo
AMISOM oo laga kireeyey dhul Soomaaliya ku yaala
Askar ka goosatay Jubbaland oo Alshabaab u galay