Dowladda oo lagu heysto go’aankeeda Khaliijka

Published: July 14, 2017

Kn: Guddiga arrimaha dibadda baarlamaanka Soomaaliya ayaa muujinaya walaaca ay ka qabaan go’aanka dowladda federaalka Soomaaliya ay ka qaadatay khilaafka ka dhax taagan wadamada Khaliijka, kaddib qoraal uu gudiga u diray xafiiska madaxweynaha.

Qoraalkana oo la sheegay in maalintii shalay la gaarsiiyay xafiiska madaxweynaha ayaa ku baaqaya in dowladda dib uga fiirsato go’aankaas, isla markaana dood laga furo, dowladdana wada tashi la yeelato siyaasiyiinta iyo Xildhibaanada golaha shacabka, si loo mideeyo ama la isku soo dhoweeyo mowqifka dowladda, taasoo yareyneyso in khilaafka Khaliijka uu saameyn ku yeesho xasiloonida dalka iyo danta shacabka ee xiriirka ay la leeyihiin labada dhinac.

Qaar ka mid ah Madaxda maamul goboleedyada, Senator ka tirsan Aqalka sare ayaa dowladda Federaalka ayaa qaarkood si toos iyo si dadban uga hadlay go’aanka dowladda ka qaadatay khilaafka dalalka Khaliijka, iyagoo soo jeediyay in dib uga fiirsato dowladda mowqifka dhex dhexaadnimada ah.

KismaayoNews.com


KismaayoNews.com



UGU DAMBEEYEY
Dowladda federaalka oo waanwaan ka dhex wadda Hirshabelle
Madaxweynaha Jubbaland oo Gaarisa tagaya
Fursado Shaqo oo kabanaan Wasaaradaha Dowlad Goboleedka Jubaland
Madaxda ciidamada Maraykanka oo la kulmey Axmed M. Islaam
Hanti Dhawraha cusub oo laga dhigey nin qurbe joog ah