Jubbaland oo sheegtay inay diyaarisay ciidamadii hawlgalka ciribtirka Alshabaab

Published: November 4, 2017

Kn: Jubbaland ayaa sheegtay inay diyaarisay isla markaana ay heegankii ugu danbeeyay galisay ciidamadii ka qayb qaadan lahaa hawlgalka maleeshiyada Alshabaab looga xoraynaayo dalka.

Wasiirka amniga Jubbaland, Cabdirashiid Janan oo tababar u soo xiray ciidamada in muddo ahba leyli uga socday gobolka Gedo ayaa ku nuux nuuxsaday inay soo gabagaboobay diyaargarowgii ugu danbeeyay ee ay Jubbaland isugu diyaarinaysay ka jawaabista dalabkii madaxweyne Cabdullahi Farmaajo ee ahaa in hawlgal saf balaaran ah lagu qaado maleeshiyaadka Alshabaab.

Wuxuu sheegay in ka Jubbaland ahaan ay diyaariyeen ciidamadii hawlgalka ka qayb qaadan lahaa, guud ahaanna deegaamada Jubbaland ay ciidamadu ku jiraan heegan.

Hadalka Cabdirashiid Janan ayaa ku soo aadaya ayadoo ay gobolka Gedo soo gaareen ciidamo cusub oo ka socda dalka Itoobiya, kuwaasi oo lagu sheegay inay dalka ku soo galeen dalabkii Farmaajo isla markaana ay ka qaby qaadan doonaan hawlgallada la saadaalinaayo in la qaado, waaba hadii laga dhabeeyee.


KismaayoNews.com



UGU DAMBEEYEY
Cirro oo aqbalay guusha Muuse Biixi
Farmaajo oo u hambalyeeyay Muuse Biixi
Masaajid dhiirigalinaya Jimicsiga
Somaliland oo lagu kala adkaaday
Uhuru oo loo xukumay hogaaminta Kenya