Baarlamaanka oo dhiibistii Qalbidhagax ku tilmaamay khalad dhacay

Published: November 18, 2017

Kn: Kadib warbixin dheer oo ay baarlamaanka ka hor akhriyeen gudidii loo saaray soo uruurinta macluumaadka ku saabsan dhiibistii Cabdikarim Qalbidhagax ayay baarlamaanka ka dhex bilaabatay dood iyo codayn lagu soo afmeeray.

Warbixinta ay gudiga kiiska ku jiray soo bandhigeen oo u muuqatay ‘Qalbidhagaxna gar leh, xukuumadduna gar leh’ ayaa soo jeedin tooda waxaa ku jiray in xukuumaddu dardar galiso xeerarka ku aadan isu celinta dadka fal danbiyeedyada ka gala dalalka dariska, laakiin xiligii doodda waxaa jiray xildhibaano si aad ah ugu dhaliilay xukuumadda dhiibistii Qalbidagax.

Ugu danbayn 163 xildhibaan oo doodda soo xaadirtay ayaa 152 waxay u codeeyeen in dhiibistii Qalbidhagax gaf iyo khalad ahayd, halka 6 xildhibaan ay u codeeyeen in xukuumaddu ku saxsanayd, sadexna ka aamustay. Walow baarlamaanku uu sharci daro ku tilmaamay dhiibistii Qalbidhagax hadana majirto soo jeedin iyo talo bixin ku aadan waxa laga yeelayo ciddii falkaasi ku dhaqaaqday.

 


KismaayoNews.com



UGU DAMBEEYEY
Xamar oo lagu sheegay gawaari qarax lagu rakibay
Farmaajo oo qaabilay ra’iisul wasaare ku xigeenka Turkiga
Axmed Madoobe oo qaabilay danjiraha midowga Yurub
1500 maxbuus oo xabsiga Jigjiga laga sii daayay
Shir looga hadlay amniga Jubbalanad oo Kismaayo lagu qabtay