Khilaafka Galmudug oo xal laga gaarayo

Published: November 18, 2017

Kn: Maamul gobolleedka Galmudug oo uu ragaadiyay khilaaf marar badan dhaliyay gacan ka hadal, ayaa ugu danbayn u muuqda inuu cagta saarayo wadadii nabadda iyo is afgaradka.

Gogol uu soo qabanqaabiyay urur gobolleedka IGAD oo ku fidsan magaalada Nairobi ayaa la filayaa in loogu kala dab-qaado labada garab ee kala fadhiya Cadaado iyo Dhuusomareeb.

Madaxweynaha Galmudug Axmed Ducaale Xaaf iyo madaxweynaha maamulka gobollada Dhexe ee Ahlusunna Sh. Maxamed Shaakir Cali Xasan iyo si toos ah isu hor fadhiisanaya si loogu qanciyo inay isugu tanaasulaan danta guud isla mar ahaantaana u yagleelaan dawlad wadaag ah.

Wajiga ugu danbeeyay ee wada xaajoodka ayaa la filayaa in Muqdisho lagu soo gabagabeeyo, waa hadii labada dhinac isla aqbalaan jid qeexan oo maamul wadaag loogu unkayo Galmudug.

Dawladda Dhexe oo carqaldaysay maamulka Galmudug ayaa markani u muuqata inay ku qanacday in qayb ka noqoto dadaalada la doonayo in isfaham looga dhex abuuro Cadaado iyo Dhuusomareeb.


KismaayoNews.com



UGU DAMBEEYEY
Xamar oo lagu sheegay gawaari qarax lagu rakibay
Farmaajo oo qaabilay ra’iisul wasaare ku xigeenka Turkiga
Axmed Madoobe oo qaabilay danjiraha midowga Yurub
1500 maxbuus oo xabsiga Jigjiga laga sii daayay
Shir looga hadlay amniga Jubbalanad oo Kismaayo lagu qabtay