Kenya oo kulminaysa Farmaajo iyo Natenyahu

Published: November 27, 2017

Kn: Xafladda caleemo saarka madaxweynaha dalka Kenya, Uhuru Kenyatta oo maalinta baritoole ah ka dhacaysa Nairobi ayaa la filayaa inay kulmiso madax Bariga Afrika u badan iyo hogaamihaya Israa’iil, Benjamin Natenyahu oo sida ay Kenya shaacisay ka soo qayb galaya xafladda.

Madaxweynaha Soomaaliya, Maxamed Cabdullahi Farmaajo oo galabta soo gaaray Nairobi ayaa noqonaya madaxweynihii ugu horeeyay ee Soomaaliyeed ee madal aan tan Qaramada Midoobay ahayn la fariista hogaamiye dalka Israa’iil.

Natenyahu oo ah hogaamiyaha kaliya ee caleemasaarka Uhuru uga imaanaya meel ka baxsan qaaradda Afrika ayaa la filayaa inuu si gooni gooni ah ula kulmo madaxda Afrikaanka ee munaasabadda ka soo qayb galaysa, laakiin lama oga in Farmaajo uu kamid noqon doono hogaamiye yaashaasi sida gaarka ah ula kulmaya ra’iisul wasaaraha Israa’iil.

Madaxweyneyaasha Jabuuti, Uganda, Ruwanda, South Sudan iyo ra’iisul wasaaraha Itoobiya ayaa kamid ah madaxda ka qayb galaysa caleemosaarka madaxweynaha dalka Kenya Uhuru Kenyatta.


KismaayoNews.com



UGU DAMBEEYEY
Xamar oo lagu sheegay gawaari qarax lagu rakibay
Farmaajo oo qaabilay ra’iisul wasaare ku xigeenka Turkiga
Axmed Madoobe oo qaabilay danjiraha midowga Yurub
1500 maxbuus oo xabsiga Jigjiga laga sii daayay
Shir looga hadlay amniga Jubbalanad oo Kismaayo lagu qabtay