Waxaa soo kordheysa hubanti la’aanta ka jirta qabanqaabada dagaalka ee DKMG ah illaa heerka uu la’egyahay , dhowr jeer ayaa dib loo dhigey duulaanka daqiiqadii ugu dambeeysey, xaalada waxaa uga sii daraya mushaar la’aan heeysata ciidamada howlgalka ka qeyb qaadan raba.

Markii ugu horeysey maanta ciidamada DKMG ah ayaa lagu arkay wadooyinka iyagoo wata taangiyo oo aanan horey loogu arki jirin.

Wararka soo baxaya waxay intaasi ku darayaan in ciidamada xitaa ay ka cabanayaan xagga raashiinka, waxay sheegayaan in labbo xilli oo kaliya raashiinka la siiyo.

Xerooyinka qaarkood waxaa ka taagan jiho wareer iyadoo la’isku daray ciidamo aan is qaadan karin oo 3 qeybood ah, qeyb waa kuwii dibada lagu soo tabobaray, qeyb waa ciidamadii hore oo dhawaan la howlgaliyey qaarkood, kuwana waa maleeshiyaad tabobar yar heysta oo dowladii hore ka haray, qubarada ciidamada ayaa sheegaya in ciidamada qaarkood ay u baahanyihiin tabobarro dheeraad ah.

Hogaanka ciidamada ayaa iyana laga deeyrinayaa, dib u dhaca joogtada ah ee duulaanka waxaa la sheegey in uu dhaliyey niyad jab culus, hase yeeshee KN oo illo kala duwan la xariirtey waxaa loo sheegey in labbo arrimood dib u dhaca uu ugu wacanyahay, waxayna kala yihiin ciidamo ay ahayd in ay duulaan kusoo qaadaan gobolada qaarkood oo aanan wali diyaar ahayd, iyo DKMG ah oo wali sirdoon wacan aanan ka heynin xooga kasoo horjeeda

Wixii kasoo kordha kala soco KismaayoNews